17 jul. 2012

Fin da XXVIII edición do Festival de Ortigueira

Ortigueira pechou a vixésimo oitava edición do Festival do Mundo Celta. Con menor asistencia que en anos anteriores, unhas 50.000 persoas pasaron nos últimos catro días pola vila ortegana. O certame desenvolveuse sen incidentes, na que supuxo a primeira cita coa prohibición expresa de carpas «dance» e aparatos eléctricos na acampada de Morouzos, máis tranquila, con menos cacharelas e raves, que deixou sabores dispares entre os asistentes. Unha normativa municipal puxo couto «ás actividades que proliferaron nos últimos anos» no piñeiral, cun gasto adicional en seguridade, a cargo dun presuposto inferior a 400.000 euros, contía similar á do 2002. Como é costume, o desfile de bandas puxo o broche a 96 horas de música que arrancou con dúas xornadas de mal tempo. Máis de 300 músicos, de oito formacións, marcharon a sopro de fol e redobre de tambor polas rúas de Ortigueira. Esa zona urbana, duns 1.800 veciños, viu como nos últimos días crecía exponencialmente a poboación e, á par, os servizos de seguridade. Uns 160 efectivos -80 deles de Protección Civil da provincia de Málaga- velaron pola seguridade dos folkies durante o certame, declarado de Interese Turístico Internacional no 2005. Policía Local e Autonómica, Seprona, Garda Civil e voluntarios completaron o servizo.

3 comentarios:

Anónimo dijo...

Moi interesante, pero, ¿do Carme non dicides nada?.

Anónimo dijo...

Xa temos un album na voz de Galicia.

Anónimo dijo...

¿Y?, ¿a caso esto qué es?, ¿un blog sobre Ortigueira o qué?. A mi lo que diga La Voz me la trae al pairo.