Un dragón vermello para o Mundo Celta

Un dragón vermello enrolado a un violín. Esta é a imaxe que resultou gañadora do concurso para escoller o deseño co que se anunciará a próxima edición do Festival do Mundo Celta de Ortigueira, que se celebrará entre os días 12 ao 15 de xullo. Pola proposta, o gañador recibirá un premio en metálico de 1.500 euros, que deberá agora presentar a imaxe adaptada a outros deseños, como os programas informativos de man. O deseñador gráfico murciano Cristóbal Aguiló asina o cartel que ten por título Rede soul, o máis eficaz desde o punto de vista promocional das 65 imaxes presentadas. Para deseñar a imaxe, Aguiló chegou a modelar a figura en plastilina que representa un enérxico violinista.