Promogal pide paralizar as talas de eucalipto

A partir desta semana, os  propietarios de montes paralizarán as talas. Polo menos iso recoméndalles Promagal, a Federación de Produtores de Madeira de Galiza, que agrupa a 21 asociacións, fundamentalmente da Mariña, Ortegal e Ferrolterra. Non volverán cortar eucalipto ata que non negocien un contrato que lles garanta prezos e un volume de compras para parte da produción dos seus socios. O acordo adoptouse esta fin de semana, no Vicedo. Suspenden as talas ao dar por rotas as negociacións con Ence. A finais de maio prevén concluír o contrato asinado con esa papeleira o ano pasado. Para cumprilo, quedan por entregar 20.000 das 250.000 toneladas pactadas. Procederán, na súa maior parte, da zona de Viveiro. Promagal considera inasumible a oferta desa papeleira para outro contrato anual. Os produtores pretenden que lles compre 400.000 toneladas de eucalipto e Ence quere 150.000. Os donos de montes aspiran a cobrar a tonelada a 31 de euros, se vai con cortiza e non está certificada; a 33 euros, con cortiza e certificada; e a 38 euros sen cortiza. Ence propón un prezo basee que, aplicando diferentes primas, suporía que lles pagaría a tonelada con cortiza a 29 euros, e a 35 sen cortiza. Respecto das condicións actuais, significaría perder 3 euros por tonelada, non mellor dous casos, e, non peor, 12 euros. Promagal suxerirá renovar as tallas cando Ence ou outro comprador acepte as condicións que expoñen.