En loita pola VAC

Mentres Touriño e Armada paseaban esta maña, xuntiños da man, por Cariño, e despois contaban as suas milongas sobre a VAC na casa de cultura, os nosos veciños que estan en pé de guerra para lograr a VAC deron un paso mais na loita. O pleno da corporación de Ortigueira aprobou hoxe unha moción na que se solicita á Xunta de Galicia e ao Goberno central que aumenten "de xeito inmediato" os fondos destinados á construción da Vía de Alta Capacidade que unirá a cidade de Ferrol coa localidade lucense de San Cibrao. Na moción recórdase que, no actual exercicio, a Xunta só vai consignar 3,7 millóns de euros para a Vía de Alta Capacidade. Esta cantidade supón, un 92 por cento menos do que estaba previsto gastar en 2008. Ademais de esixir un maior compromiso orzamentario por parte das administracións, na proposta tamén se solicita á consellería de Política Territorial e ao ministerio de Fomento que axilicen ao máximo os trámites administrativos pendentes. O obxectivo é que se garanta que o corredor costeiro estará operativo no ano 2011. A iniciativa aprobada esta mañá en Ortigueira reclamaba o apoio dos grupos municipais á mobilización convocada por varios alcaldes do PP nas comarcas de Ferrol, Ortegal e A Mariña lucense. Estaba previsto que a protesta se desenvolvese o próximo fin de semana na localidade do Vicedo, aínda que se atrasou ata o 17 de febreiro para solicitar o máximo respaldo social.