O PSOE abre as portas a renovación

Din na Voz de Galicia que a situación dos socialistas no municipio de Cariño está asentada. "Armada Castro ten tras as súas costas vinte e tres anos como líder indiscutible do PSOE na vila cariñesa". Nos recordan que tras un primeiro mandato de sete anos, os socialistas pasaron á oposición as seguintes dúas lexislaturas, nas que o PP alcanzaron o poder con Fernando Tallón como candidato. Armada recuperou a alcaldía e comezou un novo período en coalición co BNG. Agora tocanlle ás terceiras eleccións consecutivas tras o parón. Armada xa esta conformado pola executiva local do PSOE para liderar a lista dos socialista para as próximas municipais. A Voz que parece ben informada tamben apuntan a que o PSOE en Cariño atópase actualmente nun proceso de negociacións internas no que se vai completando aos poucos a lista electoral. Hoxe sabado, a asemblea de militantes reunirase onde se desvelará finalmente a lista elixida para as municipais. Unha das incognitas mais esperadas e saber o papel a xogar no futuro por Lois Armada, fillo de Armada Castro.

Insistimos e somos moitos

Insistimos e somos moitos. O Concello debe poñer nome de Don José Moar Vázquez a unha das nosas ruas. E de bon nacidos ser agradecidos. O Concello, e aqui a responsabilidade non so e do grupo de goberno, debe atender a esta iniciativa que recorre internet. O recordo de Don José Moar merece este feito. Estamos en un bon ano para facelo realidad.

DÍA MUNDIAL DO MEDIO AMBIENTE

Declaración Institucinal da Xunta de Galicia
Unha comunidade humana, ao igual que todas as agrupacións de seres vivos, só pode desenvolverse e progresar nun marco ambiental favorable, acorde coa súa natureza, e de características esencialmente estables. Así, podemos dicir que, antes de conformarse como unha política pública, a atención ao medio natural é un cultura da vida.
En Galicia, onde a identificación coa Terra é proverbial, a cultura ambiental ten que poñerse de manifesto de xeito permanente no conxunto das actividades públicas e privadas, individuais e colectivas, de produción e de ocio, industriais e agrarias. É por iso a Xunta de Galicia asume a necesidade de incrementar e respectar a cultura ambiental en dous aspectos importantes:
A) Na inspiración e conformación integral das políticas públicas, que en todos os casos e desde cada departamento deben manter os criterios de equilibrio e sostibilidade.
B) Na xeración dunha cultura cidadá, que, tanto a nivel individual como colectivo, asuma a idea de que a Terra é, ademais da nosa única morada, o noso maior patrimonio.
Toda política ambiental realista, ademais de potenciar a mellora dos hábitos individuais, debe estar enmarcada nas grandes liñas de actuación que se están definindo, especialmente nos últimos anos, no marco das Nacións Unidas e doutras organizacións nacionais e internacionais. Por iso, consideramos totalmente adecuado que o Día Mundial do Medio Ambiente de 2009 se celebre baixo o lema “O teu Planeta necesítate – Unidos contra o cambio climático”, xa que neste lema aparece explícita e concentrada a idea de que o problema ambiental ten unha dimensión global, que todos e cada un de nós temos a posibilidade de incidir no problema ou de formar parte da solución.
Pero tamén cómpre dicir, porque diso estamos convencidos, que non hai mellor achega ao medio natural que a firme e razoable convicción de que o progreso social e o benestar económico son perfectamente compatibles. Porque xa temos os suficientes recursos e coñecementos científicos para poder cambiar o sistema de explotación da natureza -ata acadar a plena sostibilidade- sen renunciar ás vantaxes conquistadas e ás riquezas socializadas nos dous últimos séculos de civilización.
Con esta declaración, a Xunta de Galicia quere contribuír a incrementar a conciencia e os coñecementos ambientais dos cidadáns, colectivos e institucións. O problema ambiental, que pasou de centrarse na cuestión dos recursos naturais a converterse nun compromiso de xestión e organización do medio, esténdese agora a conceptos tan importantes e omnicomprensivos como son a xustiza e a paz. Nun planeta ambientalmente deteriorado non poderían subsistir illas de progreso, benestar e liberdade. Por iso estamos obrigados a elevar a nosa reflexión ambiental deste 5 de xuño de 2009 desde Galicia ata poñela ao nivel da humanidade mesma.
Santiago de Compostela, 5 de xuño de 2009