Reflexions sobre a madeira e a ponte

O da ponte tenme alucinado.Levo anos escoitando ese argumento,unha ponte cara Ortigueira se pide.Pero imos a ver ¿vos credes que alguén con dous centímetros de sesera vai a financiar unha ponte entre unha aldea do concello de Cariño e un núcleo de pouco máis de 1.000 habitantes? ¿E todo iso pasando por riba dunha zona RAMSAR, ZEPA, LIC e incluida na Rede Natura 2000 da Unión Europea?. ¿Credes que interesa económicamente? (xa non falo de se interesa medioambientalmente). Non falamos de unir Nova Iorque e Manhattan,non. Nin Francia con Inglaterra. Nin sequera Italia e Sicilia. Non se uniron as áreas de Ferrol e Coruña con tres pontes (entre unha e outra área de influencia case medio millón de habitantes) e vaise facer unha entre Figueiroa/Sismundi/Feás ou donde vos pareza a vos e Ortigueira para ir a Facenda a entregar a declaración.Ler para crer.E o argumento máis bo foi aquel que dixo que "tamén o monte estaba cheo de muiños e ninguén di nada". Iso é como se temos un can que mexa na casa e,como xa mexou o can,pois a mexar todos polo chan. Total,xa mexou o can e ninguén dixo nada.A ver rapaz, non dirás nada ti,non xeralices. Algúns si decimos,outra cousa é que se nos chegue a oir.Pero decimos,moleste a quen moleste. E da desfeita que está a facer a mina de Landoi sen permisos de ampliación nun espazo protexido (nin por suposto estudos de impacto ambiental novos desas ampliacións) tamén decimos, sí. Eu ,como dixo alguén,penso que a ubicación do polígono vai a ser un fallo garrafal que este pobo vai a pagar ao longo de décadas.¿A quen se lle ocurrería a brilante idea de estrangular o crecemento da vila con un polígono xusto por onde debería de medrar o pobo de maneira natural?¿quen sería a cabeza pensante?Debeulle quedar ben descansada.Tódalas vilas do mundo sacando as industrias do casco urbán (incluidas as veciñas,por algo será) e nós que somos así de peculiares meténdoas no casco urbán.E ata de potenciar o aceiro inox dentro deste polígono industrial urbán se fala.Quedo acojonado (e perdón pola expresión).En Pontevedra tolos por sacar Ence do casco urbán, en Avilés apestados pola fábrica de Acelor e coas casas negras e eiquí pedindo todo iso para o medio do pobo.Flipante.Pero bueno,isto tamén é unha opinión que se pode escoitar ou non.E debater,que non é o mesmo que insultar,por suposto. Eu non me opoño á industria,todo o contrario, nin a evolución do noso pobo,pero cada cousa no seu sitio.O polígono nalgún sitio máis axeitado (seguro que fora dos cascos do pobo e parroquias hai sitios oportunos a esgalla) ¿Ou na casa de algún de vos o urinario está na cociña ou no salón? Seguro que non.