Rosa do Cal quere ser francesa....

Ata catro dotacións da Garda Civil tivéronse que desprazar á vivenda de Rosa María do Cal para darlle protección. Os piquetes cercaron a súa vivenda en Cariño para obrigala a secundar o paro da flota de altura. Sucedeu a pasada seman, cando a delegación da Plataforma para a Defensa do Sector Pesqueiro recalou en Cedeira e, tras cruzar unhas palabras saídas de ton cos traballadores desa Confraría, desprazáronse a Cariño de camiño a Celeiro e Burela, os portos de onde partiu a protesta. Non se atreveu a denunciar o caso antes por medo. Do Cal foi considerada persoa non grata ao negarse a secundar o paro. Rosa é armadora de tres volanteros de Gran Sol con bandeira francesa, e a pesar de que asegura que mostrou a súa solidariedade co resto dos pescadores, considerou que só debería responder a unha convocatoria do país galo. Todo esto o conta na Voz de Galicia e nos di que o seu teléfono ferveu a chamadas de ameazas. "Dixéronme que me ían a queimar a casa se non ordenaba a volta dos barcos», explica. Aínda ten o medo no corpo e trémelle a voz ao manifestar: «Quérennos secuestrar a todos para conseguir os seus fins". Pero os ataques contra esta armadora non quedaron niso. A empresaria ten un posto en Mercamadrid. Ese foi o seguinte obxectivo dos piquetes. Rosa teme agora calquera represalia en canto os seus barcos atraquen en Cariño.