O Artal xa ten gasoil

Tras case un ano de traballos de reparación, posta a punto e adaptación ás medidas de seguridade, o Artal iniciará nunhas semanas a sua nova vida para deleite de uns, e negocio de outros. Nesta ocasión, non irá á captura de sardiña, xurelo e anchoa, senón que paseará os turistas polo cabo Ortegal, os cantiis de Limo e Herbeira, e Os Tres Aguillóns. A bordo da tarrafa do Artal viaxará xunto con vinte turistas un monitor, posto que ocupará Xosé Miguel Alonso, e dous tripulantes, ambos os titulados como capitáns de pesca e motoristas. Nas profundidades da tarrafa, aínda se poden ver os camarotes, un para os mariñeiros e outro para o patrón. O Concello aposta por conservalos para, por unha banda, mostrar este tipo de estancias aos turistas e, polo outro, para utilizalos en caso de mareos. Ben pensado o dos mareos, mais de un vai marear despois de saber en canto sae manter este luxo para os turistas. O mellor da restauracién e que o water orixinal que tiña o barco consérvase, aínda que se instalou un inodoro químico, como o dos avións, de forma que non se verte nada ao mar, ¿moi modernos e ecoloxista verdade?. O noso alcalde puxo especial interese en que o Artal conservase, na medida do posible, a súa aparencia orixinal e parte dos seus aparellos, cun fin didáctico e divulgativo, e que temos un alcalde que non o merecemos, sempre coidando da nosa educación. O pesqueiro Artal, un cerqueiro construído nos anos oitenta en Vigo, que ía camiño do despezamento, foi rescatado polo noso Alcalde para convertelo nun aula do mar para ben de todos, ainda que agora beneficianse uns poucos del. Dende Os Aguillóns damos unha vez mais a enhoraboa, a familia Guerra, que cedéron o Artal ao Concello no 2006, eles si que souperon ver o futuro.