O Porto deportivo vai pra largo

Touriño aproveitou a súa visita a semana pasada a Cariño para anunciar que Portos ten incluído no seu plan de actuacións un peirao deportivo para a localidade. Armada, asustouse e quere prudencia no anuncio e explicou que a obra se atopa aínda en unha fase embrionaria, pois Portos ten pendente aínda a redacción do proxecto. Trátase dunha obra que será realidade a medio prazo, indicou prudentemente, na Voz de Galicia, Armada. Eso si, Luis aposta por combinar no porto da vila catro usos: o pesqueiro, o comercial, o náutico e o de goce da praia, por si non o tiñamos claro. Por outro lado, Fachal, indicou que descoñecía que a Xunta fose construír un porto deportivo en Cariño. Indicou que ve inviable este proxecto se non se pecha antes o porto. Explicou que o peirao cariñés carece dunha zona de abrigo: En días de temporal chegamos a ter ondas de seis ou sete metros. Tamén sinalou que sería necesario executar un dragado para conseguir máis fondo. Actualmente, hai no peirao un pantalán, no que amarran tanto embarcacións de recreo como pesqueiras. Agora, vaise a executar nesa instalación unha serie de melloras, para que poidan atracar maior número de embarcacións. Pero, trátase, dunha medida provisional, ata que o porto deportivo sexa unha realidade.