25 abr. 2011

Guiño a mocedade no PSOE

O pasado domingo, 17 de abril, nas portas da Semana Santa, o PSOE de Cariño presentou a sua candidatura no Auditorio Municipal. O acto contou cunha asistencia mais que suficiente para un acto destas caracteristicas. O PSOE no noso concello aposta por unha renovación moderada: nove dos quince membros figuraron na candidatura ás municipais de 2007; polo tanto, seis son as novas incorporacións na lista. Os seis primeiros postos están ocupados por persoas con experiencia na xestión municipal. A principal novidade é a incorporación de Jonathan Miranda no cuarto posto, un rapaz moi xoven pero que xa leva algún tempo traballando no seo da Agrupación Socialista de Cariño e colaborando con algunhas asociacións do noso Concello, un bo síntoma nesta lista que fai asi un guiño a implicación da xuventude na política municipal.