A tempo de parar a Cortadeira

Baixo o cebo do seu belo penacho, a gran maioría dos espazos naturais protexidos da costa galega caeron na trampa da cortadera ou herba da Pampa, unha feroz planta invasora que coloniza todo ao seu paso e deixa sen espazo vital ás especies autóctonas. A Cortadeira selloana, orixinaria de Arxentina, Uruguay, Chile e Brasil, empezou a estenderse de forma masiva tras a súa utilización como planta ornamental nas medianas das autoestradas e autovías galegas, primeiro na que xestiona Audasa entre A Coruña e Ferrol, para converterse nunha praga que trae de cabeza ás autoridades ambientais e cuxa erradicación suporá un importante desembolso para as arcas públicas. No noso concello empeza a medrar, e se non se toman medidas pronto esta planta que se estende con gran facilidade nos complexos intermareales acabara sendo parte da nosa natureza. Hay que eliminala, pero ¿cal é o medio de eliminación máis adecuado? En principio, a opción máis probable é arrincar as plantas de raíz con guindastres, aínda que tamén está sobre a mesa a posibilidade de empregar herbicidas. De unha o outra maneira tense que facer agora que non supón moito diñeiro facelo.