Corredor da Costa Norte

A conselleira de Política Territorial da Xunta anunciou onte no programa Bos Días da TVG que o ano próximo ten previsto comezar as obras de construción dos primeiros tramos do corredor da costa norte, entre San Sadurniño e Barreiros, eso si peron non precisou mes nos sea que se equivoque. Esta infraestrutura completará a malla de comunicacións viarias da comarca, dado que conectará entre si as comarcas de Ferrolterra, Ortegal e A Mariña lucense e estas con a autovía do Cantábrico (A-8). En febreiro do 2005, Política Territorial licitou o deseño de trazado dos tres primeiros tramos, cun prazo de execución de ano e medio, é dicir, que a estas alturas xa terían que estar máis que concluídos pero ainda nada de nada. Estes treitos cuxa tramitación está máis avanzada son a propia variante de Ortigueira, o traxecto entre San Sadurniño e Campo do Hospital (Cedeira) e o tramo Celeiro-San Cibrao. A consellería decidiu empezar a deseñar eses treitos porque son os que rexistran maior intensidade de tráfico. Entre os tres suman 37,4 quilómetros. En xuño do 2006, Política Territorial sacou a licitación a redacción de trazado doutros tres tramos máis: entre Campo do Hospital e Cuíña (Ortigueira), onde a vía rápida conectará coa estrada cara ás Pontes; Espasante-O Barqueiro e O Barqueiro-Covas. Falta o fundamental, que é a licitación das obras de construción dalgún destes treitos.